A cultura do mar pasa, irremediablemente, pola identificación, coñecemento, amor e estudio dos seus principais protagonistas: os peixes. Velaquí un libro que participa destes catro aspectos, traballo de varios anos realizado con amor e adicación e que presenta agora a primeira panorámica totalizadora e sistematizada dun capítulo tan representativo do noso patrimonio natural. Ámbolos dous autores son biólogos, cun amplo traballo de investigación e divulgación do mundo do mar de Galicia. E mesmo do mundo do mar onde traballan decote os galegos. Xavier Vázquez é Inspector Pesqueiro da CEE e Rodríguez Villanueva director dunha planta de cultivo integral de rodaballo, aspectos profesionais que complementan os seus traballos de investigación. Os Peixes do mar de Galicia, con importante aparato fotográfico e coidadas ilustracións, ofrécese en varias entregas, dada a dimensión da obra e o amplo obxecto de estudio que pretendemos. Este primeiro tomo está adicado a algunhas especies moi populares, aínda que non tan ben coñecidas: a lamprea e o mundo das raias e dos tiburóns. Son os peixes cartilaxinosos. Os de estructura ósea trátanse nos dous volumes seguintes.

Logo da publicación do primeiro volume de Peixes do mar de Galicia, con esta nova entrega cúbrese un importante ámbito do coñecemento da cultura do mar de Galicia: os peixes óseos, coas súas xeneralidades, clasificación e orde perciformes. Trátase dun libro que, como o anterior, afonda na identificación, coñecemento e estudio dos peixes, partindo do traballo de investigación e divulgación que os seus autores -biólogos de experimentada e recoñecida traxectoria- levan a cabo día a día. Xavier V ázquez -inspector pesqueiro en Bruxelas- e X. L. Rodríguez Villanueva -na actualidade profesor no Instituto Galego de Formación en Acuicultura da Illa de Arousa- ofrécennos a través desta serie de libros, e sempre coas raíces no seu profundo amor ó mar, unha visión ordenada e clarificadora dos enigmáticos e indispensables habitantes das nosas augas, con excelentes ilustracións, magníficos debuxos e unha lectura útil, doada e práctica.

Logo da publicación do primeiro volume de Peixes do mar de Galicia, con esta nova entrega cúbrese un importante ámbito do coñecemento da cultura do mar de Galicia: os peixes óseos, coas súas xeneralidades, clasificación e orde perciformes. Trátase dun libro que, como o anterior, afonda na identificación, coñecemento e estudio dos peixes, partindo do traballo de investigación e divulgación que os seus autores -biólogos de experimentada e recoñecida traxectoria- levan a cabo día a día. Xavier V ázquez -inspector pesqueiro en Bruxelas- e X. L. Rodríguez Villanueva -na actualidade profesor no Instituto Galego de Formación en Acuicultura da Illa de Arousa- ofrécennos a través desta serie de libros, e sempre coas raíces no seu profundo amor ó mar, unha visión ordenada e clarificadora dos enigmáticos e indispensables habitantes das nosas augas, con excelentes ilustracións, magníficos debuxos e unha lectura útil, doada e práctica.

O Vocabulario multilingüe de organismos acuáticos xorde ante a necesidade de enche-lo baleiro terminolóxico existente no eido das ciencias do mar. Construído cun propósito normalizador, consta dun total de 2.131 nomes de especies mariñas, seleccionadas seguindo criterios económicos e xeográficos a partir das máis de 8.000 posibilidades reais. O seu obxectivo é facilita-la comunicación dos profesionais do sector nos intercambios comerciais de carácter internacional. Con este fin, inclúense as denominacións en galego cos seus equivalentes en diferentes idiomas. O ordenamento das distintas especies faise mediante criterios sistemáticos, indicándose en cada caso o nivel taxonómico empregado partindo da "Clasificación estatística internacional uniforme dos animais e plantas acuáticas" (CEIUAPA). Esta información, de carácter lingüístico e taxonómico, complétase con datos sobre as áreas xeográficas que constitúen o hábitat natural de cada organismo. O volume finaliza con índices alfabéticos de tódolos organismos agrupados polo seu nome científico e pola súa denominación en galego, español, francés, inglés e portugués.

O Vocabulario multilingüe de acuicultura xorde ante a necesidade de enche-lo baleiro terminolóxico existente no eido do cultivo de especies acuáticas. Construido cun propósito normalizador, consta dun total de 2.735 entradas que representan o léxico máis relevante dunha disciplina en constante desenvolvemento na nosa realidade económica. O seu obxectivo é facilitala comunicación dos profesionais do sector nos intercambios comerciais de carácter internacional. Con este fin, inclúense as denominacións en galego, ordenadas alfabéticamente, cos seus equivalentes en castelán, inglés, francés e portugués, que se recollen, así mesmo, en índices ó final da obra para facilita-la súa consulta. Para o caso concreto dos organismos acuáticos, engádese o nome científico da especie, seguindo un traballo anterior (Vocabulario multilingüe de organismos acuáticos) supervisado igualmente por Termigal